Èske li an sekirite pou pran vaksen COVID-19 la?
Wi. Tout vaksen COVID-19 yo otorize ak rekòmande kounye a yo an sekirite epi efikas, epi CDC pa rekòmande yon vaksen olye yon lòt. Desizyon ki pi enpòtan an se pran yon vaksen COVID-19 pi vit posib. Vaksinasyon toupatou se yon zouti enpòtan pou ede sispann pandemi an.
Ki sa vaksen COVID-19 la fè nan kò ou?
Vaksen COVID-19 yo anseye sistèm iminitè nou yo kijan pou yo rekonèt epi konbat viris ki lakòz COVID-19 la. Pafwa pwosesis sa a ka lakòz sentòm, tankou lafyèv.
Èske yon vaksen kont COVID-19 la pral chanje ADN mwen?
Non. Vaksen COVID-19 yo pa chanje oswa kominike avèk ADN ou nan okenn fason. Tou de vaksen COVID-19 ki fèt ak ARNm ak vektè viral yo bay enstriksyon (materyèl jenetik) bay selil nou yo pou yo kòmanse bati pwoteksyon kont viris ki lakòz COVID-19 la. Sepandan, materyèl la pa janm antre nan nwayo selil la, ki se kote ADN nou an ye a.
Dat piblikasyon: 12 Out 2021